ജയസൂര്യയും കുഞ്ചാക്കോ ബോബനും കേന്ദ്ര കഥാപാത്രങ്ങളെ അവതരിപ്പിക്കുന്ന എന്താടാ സജി എന്ന ചിത്രത്തിന്റെ ടീസർ നാളെ എത്തും. നവാഗതനായ ഗോഡ്ഫി സേവ്യർ ബാബുവാണ് ചിത്രത്തിൻറെ സംവിധാനവും രചനയും നിർവഹിക്കുന്നത്. കുഞ്ചാക്കോ ബോബനാണ് ചിത്രത്തിലെ ടൈറ്റിൽ കഥാപാത്രമായ സജിയെ അവതരിപ്പിക്കുന്നത്. സിനിമയുടെ ടീസർ നാളെ രാവിലെ 11 ന് പുറത്തിറങ്ങും. ചിത്രത്തിൻ നായിക നിവേദ തോമസാണ്. ആറ് വർഷത്തെ ഇടവേളയ്ക്ക് ശേഷം കുഞ്ചാക്കോ ബോബനും ജയസൂര്യയും വീണ്ടും ഒരുമിക്കുന്നു എന്ന പ്രത്യേകതയും ഈ ചിത്രത്തിന് ഉണ്ട്. ഒരു ഫാമിലി കോമഡി എന്റർടെയ്‌നറായി ഒരുങ്ങുന്ന സിനിമയുടെ സംഗീതം വില്യം ഫ്രാൻസിസ് നിർവഹിക്കുന്നു. മാജിക് ഫ്രെയിംസിൻറെ ബാനറിൽ ലിസ്റ്റിൻ സ്റ്റീഫൻ ആണ് സിനിമയുടെ നിർമ്മാണം.