പ്രായപൂർത്തിയാകാത്ത പെൺകുട്ടിയെ തന്റെ അഭ്യർത്ഥന നിരസിച്ചതിന് 34 തവണ കുത്തി ക്രൂരമായി കൊലപ്പെടുത്തിയ കേസിൽ പ്രതിക്ക് രാജ്‌കോട്ട് കോടതി തിങ്കളാഴ്ച വധശിക്ഷ വിധിച്ചു. പെൺകുട്ടി താനുമായി ബന്ധം പുലർത്താൻ വിസമ്മതിച്ചതിനെ തുടർന്നാണ് പ്രതി കുത്തിയത്. 11-ാം ക്ലാസ് വിദ്യാർത്ഥിയെ 34 തവണ കുത്തിക്കൊലപ്പെടുത്തിയ കേസിൽ ജയേഷ് സർവയ്യ(26)യെയാണ് ജെറ്റ്പൂരിലെ അഡീഷണൽ ഡിസ്ട്രിക്ട് ആൻഡ് സെഷൻസ് ജഡ്ജി ആർ ആർ ചൗധരിയുടെ വധശിക്ഷ വിധിച്ചത്. 2021 മാർച്ചിൽ നടന്ന ആക്രമണത്തിൽ ഇടപെടാൻ ശ്രമിച്ച പെൺകുട്ടിയുടെ സഹോദരനെയും പ്രതി പരിക്കേൽപ്പിച്ചിരുന്നു. നിർഭയ കേസിൽ സുപ്രീം കോടതി നൽകിയ നിർവചനം അനുസരിച്ച് അപൂർവമായ അപൂർവ കേസാണിതെന്ന് കോടതി വിലയിരുത്തിയതായി സ്‌പെഷ്യൽ പബ്ലിക് പ്രോസിക്യൂട്ടർ ജനക് പട്ടേൽ പറഞ്ഞു. ഇന്ത്യൻ ശിക്ഷാ നിയമത്തിലെ പ്രസക്തമായ വകുപ്പുകൾ, ലൈംഗിക കുറ്റകൃത്യങ്ങളിൽ നിന്നുള്ള കുട്ടികളുടെ സംരക്ഷണം (പോക്‌സോ) നിയമപ്രകാരമാണ് സർവ്വയ്യയ്‌ക്കെതിരെ കേസെടുത്തിരിക്കുന്നത്. ഐപിസി സെക്ഷൻ 302 പ്രകാരം കോടതി വധശിക്ഷ വിധിക്കുകയും 5,000 രൂപ പിഴ ചുമത്തുകയും ചെയ്തു. ഇത് സമൂഹത്തെയാകെ നടുക്കിയ ഒരുതരം കൊലപാതകമായിരുന്നു, അതിനാൽ ഇത് ഗൗരവമായി കാണുന്നു,” പട്ടേൽ പറഞ്ഞു.